Kommunales Integrationsmanagement NRW
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen

O Integracijako kursi thaj arkhiba taro tchavore si kompatibilna!

"Moro tchav thaj me, dobingham jek neverovatno podrshka akate ki Severno Rajna-Vestfalija sar so nashlilam. Zahvali ma savorenge kaj line mandar meri nesigurnost! I struktura tar e tchibako kursi omoghuchil mange te fokusiriv ke moro profesionalno razvoj, thaj ko isto vreme te ovav othka mere tchaveske.“ 

Sar jek samohrano roditelji, haj drom o uspeho definiril pe ko aver nachino. Adava isto i Ukrainka Natalija Cirul. Lako tchavo kaj si katar i chingar traumatirizimo, ulo obavezno shkolake, ama nashti sas te atchol bi pe dako. Ki te anglakerel peri integracija, vov mora sas te ovel poharica trashavdo.

Natalija Cirul si loshali so akana voj shaj te posetil o kursi e Germanskone tchibake. Voj avel katar o regiono zapadno taro Mariupol. Kana von areste ko Juni 2022 bersh ko Dizburg, i dej thaj o tchavo naj sas len samo jek nashtiba taro foro kaj zauzingha thaj okupiringha i Rusko askerija. Ko toko tar o napado naj sas von zaedno, vech sas ko razlichito thana. I dar kaj shai te razdvoin pe, thaj o nervozna momenca kaj sas izazovimo, sar jek sirena kaj so god shunelas pe sar ratna buka, anenas e jefta bershengo tchavores ghi odova, ki bi pere dajako nashti sas te beshel.

Natalija Cirul si loshali so akana voj shaj te posetil o kursi e Germanskone tchibake. Jek korako popashe ghi ko aviba.

Kana i Natalija Cirul ko januar 2023 pojavisajli ko savetovalishte ko Dizburg-Mashkare, voj sas skeptichno dali bi arakhel ahaiba lake zhivotno situacijake. I Menagherka e predmetesko (Case Manager) i Anastasija Pironelo sigate ahaini, kaj trubul te pomozhil be prvo o tchavo, te mangela te pomozhil e daja. Agijate von arakhle jek than ke tchavengi psihoterapija thaj upishingha lake tchavores ki zajednichko osnovno shkola ko komshiluko. Akava pale sikavgha so znachil te ove samohrano roditeli bi mrezhako: naj sas jek kontaktno gheno ko sluchajo te i dej nashti dobil pe, ili nashti te avel palal o tchavoro.

Tikne korakonensa ghi ko uspeho. E Natalija Cirulako tchavo shaj adive redovno korkoro ki shkola te ovel. I dej vredno siklol thaj oslobodil i Germansko tchib. Ko evangelistichko obrazovno centro (EBW) ke khangerjako okrugo tar o Dizburg, voj arakhlja jek than siklimaske kaj odgovoriskergha lake zhivotno situacijake. Akava si jek than, kaj o roditelja shaj te dobin briga lenge shavorenge te si potrebno. I Mishel Velrojen, i shefica tar o odeljenje integracijake objasnil: „Amen razmislinas i kompatibilnost tar o porodichne thaj o integracijske kursore. Odoleske si o kursore na primer odrzhimo avral i sezona e odmorjenge. E trine divengere kursorja e roditeljenge den dovoljno vreme te zavrshil pe administrativno procedures thaj avera neophodna terminur. Adava dovodil ghi ko pohanci odsustvo thaj stope napushtimaske.“

E Natalija Cirul si la duj cilja: te izgradil jek izrdzhljivo mrezha thaj sigate jek buki te arakhel ke poro nevo domo. Laki tehnichko obuka thaj buki kaj sas la ko lokalno snabdevacho pajesa ki Ukraina ka iskoristil, thaj ka chudel adava ke merimaski vaga.

Ko pochetko e rigako skroluin