Kommunales Integrationsmanagement NRW
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen

So i si o opshtinsko integracijako menaghmento (Kommunales Integrationsmanagement)?

O opshtinsko integracijako menaghmento, skratimo KIM, si o savetno thaj informativno centari e opshtinako ko Nordrajn Westfalen. O KIM podrzhil e manushen, kaj aven taro avera phuvja thaj mangen peso nevo kheripmos te gradin. Postoin but ponude e integracijake. E KIM-esa tumen sa shaj pratin. Akate nalazin pe informacije thaj odgovorja taro vazhno puchiba e integracijake.  

So sima tar o KIM?

Si li tumen but izazovja thaj teme? O menaghmento thaj o rukovodcija taro KIM si upoznaimo e procesoja e integracijako but shukar, thaj rado ka podrzhin tumen odolesa. 

I si tumen puchiba taro tumaro atchimasko statuso, tumari zhivotno situacija, e chibako kursi, kerimos buti / obuka thaj avera teme? Ko KIM ka dobinen odgovorja, informacije thaj podrshka. Zaedno e rukovodcijasa taro KIM thaj lengo menaghmento, ka razviin tumare sledecha korakja kaj ka pomozhin tumenge ko proceso tumare lichno integracijake. Adale situacijenge si o KIM- Case menagherja akate! 

So i si o KIM-Case menaghmento (KIM-Case Management)?

Bez obzir kotar tumen aven thaj savo beshipmasko statuso i si tumen, ko KIM-Case menaghmento ka dobin savetoja thaj orientacija. Lichno tumare kontaktno manusheja ka keren svato tumare brigenge thaj tumare valjanipaske. Zaedno shaj te razviin odgovarajucho plani tumare integracijake.  

O teme kaj shaj tumen tumare lichno manusheja te keren svato ko Kim-Case menaghmento, si raznovrsna thaj si prilagodime em  fokusirime tumenge. Tumaro lichno menagheri ka pomozhil tumenge te snaghin tumen ki tumari zajednica ki te dobin tumare individualna cilja tari integracija.  

Tumare prednostja taro opshtinsko integracijako menaghmento.  

1. Kontaktno tachka tumare puchimatar:

Umesto pojedinachno terminore tumensar thaj razno kontakt personor ko razlichita kancelarijes thaj organja, KIM nudil tumenge kontaktno tachka ko ukupno temes kaj odnosin pe prema tumaro proces e integracijake. Akaja orijentacija shtedil tumenge vrijama thaj trudo. 

2. Individualno saveto:

Kontaktirin o KIM thaj upoznain tumaro lichno kontakto ko KIM-Case menaghmento, kaj ka pratil tumen ko toko taro celo proceso e integracijako. O fokus ka ovel ki tumari individualno familija thaj tumari zhivotno situacija. Tumare KIM-Case menagherja ka angazhirin pe tumensar, thaj ka arakhen zaedno tumensar reshenja kaj ka len ko obziro tumaro potenciali, tumare sredstvoja thaj tumare izazovja.

3. Uchestvo ki tumari zis:

Preko o KIM shaj tumen te stupin ko kontakto ke chibake kursja, stambeno pazari, shanses te obrazovin tumen, thaj ponude tari kultura. Ke akava nachino shaj tumen te uzpostavin neve kontaktore thaj skoro te osetin tumen sar khere ko severno Nordrajn Westfalen.

Nevo sjan ko Nordrajn Wetsfalen? Nevo sjan ki jek zis?

Bavinen tumen puchimatar taro statuso atchipmasko, stambeno status, integracijakere ponude thaj usluge. Tumen razmislin taro teme ko svakodnevno zhivoto: soske si i chib vazho thaj sar shaj te sikljovav la? Sar funkcioniril i integracija ki shkola? Sar shaj kerav buki ki Germanija? Postoin ponude bukjake stranconenge kaj si kvalificirime bucarne? Sar funkcioniril i kulturno integracija? Shaj li te rodav medicinsko tretmani? 

I si vazhno, te bavil pe manush ko razno oblastja e integracijake. Zahvalimos taro KIM, adava naj moralno tumen te keren korkoro. O KIM-Case menagherja keren buti ki celo phuv tari Nordrajn Westfalen rasporedimo. Koristin akana amaro rodimos taro saveto! 

Informacije taro odobrimos e shanse beshipmaski dozvola

O zakono e uvodimaske tari shansa-ko pravo e beshipmastar / „Gesetz zur Einführung eines Chancen-Aufenthaltsrechts“ stupingha ki snaga ko 31. Decembar 2022 bersh thaj vazhil ko ogranichimo periodi katar o trin bersh. Preko adava zakono del pe shansa manushenge, kaj sinesar but bersh ko statuso tolerancijako, jek perspektiva atchimaski. E shansaja taro o pravo atchimastar ka dobin von jek privremeno beshipmaski dozvola, sar bi on ko roko taro 18 chon ispunin o uslovore e produzhimasko thaj o pravo atchimasko.

Ke akala internet stranice, tumen ka arakhen dodatna informacijes taro uslovja thaj shanses e pravoske atchimastar, thaj so tumen trubul te len ko obziro. Te mangena pobut te doznain katar o shanses e pravoske atchimastar, obratin tumen tumare KIM-Case menagherenge. 

Linkor thaj Daunlodja

KIM vakeriba

O priche taro KIM keren svato e manushendar kaj sas ili si podrzhimo katar i rig taro KIM Case menagherendar (Kim-Case Manager:innen). Von izgradinghe peske jek zhivoto ko Nordrajn Vestfalen thaj obogatin amaro drushtvo, na primer pere bukjasa sar negovatelja ili vozachja taro autobusja. Avena isto kidjal manusha taro KIM-Case menaghmento (Kim-Case Management) ili manusha taro avera politikake integraciona oblastja ko redo te keren svato, odola dena izveshtaj tari lengi intergracija thaj lenge iskustva odothe. 

Ko pochetko e rigako skroluin