Kommunales Integrationsmanagement NRW
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen

Էջի վերնագիր՝ Ի՞նչ է ինտեգրման համայնքային կառավարումը (Kommunales Integrationsmanagement) 

Ինտեգրման համայնքային կառավարումը (կրճատ՝ KIM) համայնքների խորհրդատվական և տեղեկատվական կենտրոն է Հյուսիսային Հռենոս-Վեսթֆալիա երկրամասում։ KIM-ն աջակցում է արտասահմանից եկած և Հյուսիսային Հռենոս-Վեսթֆալիայում հաստատվել ցանկացող մարդկանց։ Ինտեգրման բազմաթիվ առաջարկներ կան։ KIM-ում կստանաք դրանց ընդհանուր նկարագրությունը։ Այստեղ տեղեկությունները համախմբվում են, և ինտեգրման վերաբերյալ կարևոր հարցերին տրվում են պատասխաններ:

Ի՞նչ եմ ստանում ես KIM-ից

Շա՞տ են դժվարությունները և թեմաները։ KIM-ի գործավարական բաժնի աշխատակիցները շատ լավ ծանոթ են ինտեգրման գործընթացին և սիրով կաջակցեն ձեզ այդ հարցերում։ 

Ունեք հարցե՞ր ձեր կացության կարգավիճակի, բնակության իրավիճակի, լեզվի ուսուցման, զբաղվածության / կրթության կամ այլ թեմաներով։ 

KIM-ում կստանաք պատասխաններ, տեղեկություններ և աջակցություն։ KIM-ի գործավարական բաժնի աշխատակիցների հետ միասին կմշակեք ձեր ինտեգրման անհատական գործընթացի համար օգտակար հաջորդ քայլերը։ Սա առաջարկ է․ ըստ ցանկության ձեզ կտրամադրվի ձեր գործի վերաբերյալ անհատական խորհրդատվություն, և ձեզ կուղղորդեն բոլոր բնագավառներում։ KIM-ի գործը վարող աշխատակիցները պատրաստ են օգնել ձեզ։

Ի՞նչ է KIM-ի գործավարական բաժինը (KIM-Case Management)

Անկախ նրանից, թե որտեղից եք եկել և կացության ինչ կարգավիճակ ունեք․ KIM գործավարական բաժնից ստանում եք խորհրդատվություն և կողմնորոշում։ Ձեր անձնական գործի պատասխանատուի հետ քննարկում եք ձեր ցանկություններն ու կարիքները։ Այդպես կարող եք միասին ձեր ինտեգրման համար համապատասխան ծրագիր մշակել։ 

KIM-ի գործավարական բաժնի ձեր գործի պատասխանատուի հետ կարող եք քննարկել բազմազան և միանգամայն ձեզ համապատասխանող թեմաներ։ Ձեր անձնական գործի պատասխանատուն օգնում է ձեզ կողմնորոշվել ձեր համայնքում և իրագործել ինտեգրման ձեր անհատական նպատակները։ 

Ձեր առավելությունները ինտեգրման համայնքային կառավարումից 

1. Համակարգման կետ ձեր հարցերի համար․

Բազմաթիվ առանձին հանդիպումների և տարբեր մարմինների ու գերատեսչությունների տարբեր պատասխանատուների փոխարեն KIM-ն առաջարկում է ձեզ համակարգման մեկ վայր ինտեգրման գործընթացի բոլոր թեմաների վերաբերյալ։ Այս կողմնորոշումը խնայում է ձեր ժամանակն ու ջանքերը։

2. Անհատական խորհրդատվություն․

Դիմեք KIM-ին և ծանոթացեք KIM-ի գործավարական բաժնի ձեր անձնական պատասխանատուի հետ, որը կուղեկցի ձեզ ինտեգրման ամբողջ գործընթացի ժամանակ։ Այդպես ձեր ընտանեկան և կյանքի իրավիճակն առաջնային պլանում է։ KIM-ի գործավարական բաժնի ձեր պատասխանատուն ձեզ հետ միասին գտնում է լուծումներ, որոնցում հաշվի են առնված ձեր ներուժը, ռեսուրսները և դժվարությունները։ 

3. Հնարավորություններ ձեր քաղաքում․

KIM-ի միջոցով դուք հասանելիություն եք ունենում լեզվի ուսուցման դասընթացներին, անշարժ գույքի շուկային, կրթության հնարավորություններին և մշակութային առաջարկներին։ Այդպես կարող եք նոր կապեր ստեղծել և շուտով զգալ ձեզ տանը Հյուսիսային Հռենոս-Վեսթֆալիայում։

Նո՞ր եք եկել Հյուսիսային Հռենոս-Վեսթֆալիա։ Նո՞րեկ եք որևէ քաղաքում։

Նրանք զբաղվում են կացության կարգավիճակի, դիմումների, ինտեգրման առաջարկների և ծառայությունների հարցերով։ Նրանք մտածում են նաև ձեր առօրյայի թեմաների մասին․ Ինչո՞ւ է լեզուն կարևոր, և ինչպե՞ս կարող եմ սովորել այն։ Ինչպե՞ս է կատարվում ինտեգրումը դպրոցում։ Ինչպե՞ս կարող եմ աշխատել Գերմանիայում։ Թափուր հաստիքների առաջարկներ կա՞ն օտարերկրացի մասնագետների համար։ Ինչպե՞ս է հաջողվում մշակութային ինտեգրումը։ Կարո՞ղ եմ բուժօգնությունից օգտվել։ 

Կարևոր է կողմնորոշվել ինտեգրման տարբեր բնագավառներում։ Սակայն KIM-ի շնորհիվ ստիպված չեք այդ ամենը մենակ անել։ KIM-ի գործավարական բաժնի աշխատակիցներն աշխատում են Հյուսիսային Հռենոս-Վեսթֆալիա երկրամասի ամբողջ տարածքում։ Հիմա փնտրե՛ք խորհրդատվություն։ 

Տեղեկություններ հնարավորություն տվող կացության իրավունքի շնորհման վերաբերյալ 

«Հնարավորություն տվող կացության իրավունքի ներդրման մասին օրենքը» (գերմ․ Gesetz zur Einführung eines Chancen-Aufenthaltsrechts) ուժի մեջ է մտել 2022 թվականի դեկտեմբերի 31-ին և գործում է երեք տարի ժամկետով։ Օրենքի միջոցով երկար ժամանակ հետաձգված վտարման կարգավիճակում գտնվող անձանց համար կացության թույլտվություն ստանալու հեռանկար է բացվում։ Հնարավորություն տվող կացության իրավունքի միջոցով ստանում եք կացության սահմանափակ ժամկետով թույլտվություն, որպեսզի 18 ամսվա ընթացքում բավարարեք հետագա կացության թույլտվության իրավունք ստանալու նախապայմանները։ 

Հետևյալ համացանցային էջերում կգտնեք մանրամասն տեղեկություններ այն մասին, թե ինչ նախապայմաններ ունի հնարավորություն տվող կացության իրավունքը, և ինչին պետք է ուշադրություն դարձնեք։ Հնարավորություն տվող կացության իրավունքի մասին մանրամասն տեղեկությունների համար խոսեք KIM-ի գործավարական բաժնի պատասխանատուի հետ։ 

Հղումներ և ներբեռնումներ

Պատմվածքներ

KIM պատմություններն այն մարդկանց մասին են, որոնց ուղեկցել կամ ուղեկցում են KIM-ի գործը վարող աշխատակիցները (Kim-Case Manager:innen)։ Նրանք իրենց կյանքը կառուցել են Հյուսիսային Հռենոս-Վեսթֆալիայում և հարստացնում են մեր հասարակությունը՝ աշխատելով, օրինակ, որպես հիվանդապահուհի կամ ավտոբուսի կին վարորդ։ Այդ թվում կան նաև մարդիկ KIM գործավարական բաժնից (KIM-Case Management) կամ ինտեգրման քաղաքականության այլ բաժիններից, որոնք ինտեգրման և իրենց փորձի մասին խոսում են տեղում։   

Բարձրանալ էջի սկիզբ