Kommunales Integrationsmanagement NRW
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen

Berpirsyarî der heqê 99 kesan. Birêz Fazil Ekberî wek ajovanê otobûsê di saetên lûtkeya trafîkê da vê hejmara kesan cîbecî dike.   

"Remscheid, Wermelskirchen… tevahiya Rheinisch-Bergische Kreis û xwezaya wê gellekî sipehî ne. Ez wek ajovanê otobûsê gellek di hatûçûnê da me û ji ber vê yekê bi awayekî tevav deqîq haya min ji vê mijarê heye. Ez û hevjîna xwe kar dikin; zarokên me terine dibistanê.  Me hin têkilî ava kirine û ji bo xwe atmosfereke nû dabîn kiriye. Em wek malbat hîs dikin ku em li mala xwe ne û dixwazin pêşeroja xwe li vir biserûber bikin." 

Fazil Ekberî sala 2014an bi tenê wek penaber hat Almanyayê. Sala 2017an ev malbat di dawiyê da gihîştin hevûdu – ev malbat pêk hatiye ji Fazil û Zerxûne û zarokên wan ku di vlê demê da di temenê zarokatî û xortaniyê da bûn. Fazil Ekberî di şixula xwe da pispor û xwedan cîgeh bû. Lê piştî ku di sala 2022an da bêkar ma, alîgiriyeke dubare ya şixulînê pêwîst bû.  

Jinûve destpêkirina perwerdehiyê, zanîngehek di çiqa Mîmariyê da ku li Efxanistanê wek nîvcû hatibû berdan, wek bijardeyek di rojeva wî da nebû. Ev kar ji ber lêçûna debara jiyanê ya pêwîst ji bo malbatê demeke gellekî dirêj jê ra hewce bû.  

Ew mêrekî hezkirî ji bo veguhestina xwecihî ya gelemperî ye.

Wî di destpêka Nîsana 2022an da serdana Navenda Şêwirînê ya Birêvebiriya Entegrasyona Navçeyî (KIM) li Remscheid'ê kir. Bûn wek ajovanê otobûsê ji bo wî di şêwirîna digel Rêvebera Dosyeyê (Case Managerin) xatûn Gül Altin gellekî balkêş xuya dikir. Wî dewreya fêrbûna pisporiyê serkeftî derbas kir û karî bêyî derbaskirina qonaxên seretayî vî karî dest pê bike. Birêz Ekberî pênc daxwazên wergirtinê nivîsîn – û pênc bersivên erênî wergirtin. Ji ber ku wî cihekî vala ji bo xwe li bazara kar peyda kiribû.  Niha birêz Ekberî ji bo RVK'yê (Veguhestina navçeya Kolnê) bi awayê giştdemî û karê nobetî li Rheinisch-Bergischen Kreis dixebite. 

Ajovaniya berpirsyarane meraqa wî ye – helbet wî ev kar li Efxanistanê xasma ji bo Rêxistina Xwarekê ya Cîhanî kiribû. Ew hevkarekî rêzdar e. Li gorî gotina birêz Nesic, Birêvebirê Karmendan ê RVK'yê, "Birêz Ekberî gellekî zû hînî hêl û xetên otobûsê bû. Eww gellekî hebandî ye û hertim dema ku hewceyî pê heye, amadeyî arîkariyê ye. 

Malbata Ekberî ji vêya ku niştîmaneke nû li Nordrhein-Westfalenê peyda kirine ku dikarin li wir bijîn û bixebitin, kêfxweş in. 

Biçe destpêka rûpelê