უსაფრთხო სანაპიროსთან მისვლა: ალექს კოსტაჩე კელნის ნავსადგურში ბავშვობის ოცნებას იხდენს

"ევროკავშირის მოქალაქეობის გამო დამხმარე პოზიციაზე მუშაობა მყისიერად დავიწყე. თუმცა ჩემი წარმოდგენის შესაბამისი პროფესიული მომავლის მიღწევას და ჩემი ნიჭის გამოვლენას მხოლოდ კვალიფიციური პროფესიული განათლებით შევძლებ. ჩემი მშობლიური, რუმინული ენა აქ, კელნის სატვირთო ნავსადგურზე მართლაც არაერთხელ გამომადგა“.

იონუტ ალექსანდრუ კოსტაჩე ფოტოაპარატის კამერას და ამავდროულად მომავალს იმედით სავსე თვალებით უმზერს. ეს იმედი მას დიდი ხნის განმავლობაში მშობლიურ რუმინეთშიც და გერმანიაშიც დაკარგული ჰქონდა.

დიდი ხნის წინ გერმანიაში ჩამოსული ოჯახის წევრის მძიმე ავადმყოფობის გამო ახალგაზრდა მამაკაცი პანდემიის დროს, 2020 წელს, კელნში ჩამოვიდა. მას ორივე ქვეყანაში გაუსაძლისი სიტუაცია ჰქონდა. გერმანული ენის კურსის B1-დონეზე გაგრძელება ვეღარ შეძლო - ოჯახის რჩენის მიზნით გადაზიდვების სფეროში ქვეკონტრაქტორთან სახსრების გამომუშავება ალექს კოსტაჩესთვის გარდაუვალი ჩანდა. 

კომუნალური ინტეგრაციის მენეჯმენტის (KIM) და პროფესიული განათლების საწარმოს დახმარებით ალექს კოსტაჩემ პროფესიული განათლების დაძლევის იმედი დაიბრუნა.

მუსულმან ქალთა კონტაქტებისა და დამატებითი განათლების ცენტრის (bFmF e.V.) საკითხების მენეჯერი (Case-Managerin) ალექსანდრუ კოსტაჩეს რთულ საცხოვრებელ და ცხოვრებისეულ სიტუაციას გაგებით მიუდგა. მათ ერთად ეძიეს შესაძლებლობები. კონსულტაციის მიზანი პირადი მდგრადობის და არაკომპეტენტურ, დამხმარე პოზიციაზე მუშაობის მიღმა არსებული პროფესიული პერსპექტივის გაღვივება იყო. ეს მოითხოვდა აგრეთვე სკოლის ატესტატის აღიარების საფეხურების გავლას. მიღებული გერმანული ენის ცოდნით და რეალური სკოლის ატესტატით ჯიბეში გადადგმულ იქნა შემდეგი ნაბიჯი: პროფესიული განათლების ძიება.

კელნის ნავსადგურში განლაგებული HGK ლოჯისტიკა და ინტერმოდალის შემადგენელი ნაწილის, შპს CTS კონტეინერ-ტერმინალის პროკურისტმა, ოლივერ ჰაასმა, ალექს კოსტაჩეს სამომავლო უნარი დაუყოვნებლივ გააცნობიერა. 2023 წლის 1. აგვისტოს მან კომპანიაში სასაწყობე ლოჯისტიკის სპეციალისტის სამწლიანი პროფესიული განათლების მიღება დაიწყო. ოლივერ ჰაასი ამბობს: „ბატონი კოსტაჩე სასაწყობე ლოჯისტიკის სპეციალისტად მუშაობის პირად და პრაქტიკულ წინაპირობებს აკმაყოფილებს. სამსახური ბევრს მოითხოვს: ჩვენს ტერმინალში სატვირთო მანქანების, შიდა გემების და სატვირთო მატარებლების კონტეინერებით და ტრეილერებით დროულად დატვირთვა-გადმოტვირთვას და კონტეინერებისა და ტრეილერების შემოწმებას და დასაწყობებას. ბატონი კოსტაჩე პასუხისმგებლობითა და მონდომებით გამოირჩევა.“

ამ შანსით მან არამხოლოდ თვითშეფასება აიმაღლა, არამედ გერმანული ენის დონეც უსწრაფეს დროში გაიუმჯობესა. ალექსანდრუ კოსტაჩე დღესდღეობით ამაყობს იმით, რომ კომპეტენტური სპეციალისტი გახდება.

ენის არჩევანი

ენის არჩევანი

უსაფრთხო სანაპიროსთან მისვლა: ალექს კოსტაჩე კელნის ნავსადგურში ბავშვობის ოცნებას იხდენს