Kommunales Integrationsmanagement NRW
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen
Ministerium für Kinder, Jugend, Familie, Gleichstellung, Flucht und Integration des Landes Nordrhein-Westfalen

Arritja në portin e sigurt: 
Në portin e Këlnit Alex Costache arrin të bëjë realitet ëndrrën e tij të fëmijërisë  

"Si shtetas i Be-së mund të fillojë menjëherë një punë ndihmëse. Por trajnimi i kualifikuar më jep mundësinë për të projektuar të ardhmen time profesionale sipas ideve të mia dhe të kontribuoj me talentin tim. Gjuha ime amtare rumune është një avantazh i vërtetë në shumë situata këtu në portin e kontejnerëve në Këln!" 

Ionut Alexandru Costache shikon me siguri kamerën, dhe në të njëjtën kohë të ardhmen. Për një kohë të gjatë nuk e kishte këtë besim as në atdheun e tij Rumani dhe as në Gjermani. 

Sëmundja e rëndë e një familjari që jetonte prej shumë vitesh në Gjermani bëri që i riu të vinte në Këln në vitin 2020 gjatë pandemisë. Në të dy vendet hasi kushte të pasigurta jetese. Fillimisht, një kurs gjermanishte nuk mund të shkonte më tej se B1 – fitimi i parave për një nënkontraktor në biznesin e porosive me postë dukej se ishte një domosdoshmëri për Alex Costache për të mbajtur familjen në këmbë.  

Së bashku me Menaxhimin Komunal të Integrimit (KIM) dhe kompaninë e tij të trajnimit, Alex Costache ka krijuar besimin që t'ia rrijë si praktikant

Menaxherja e rastit (Case Managerin) në qendrën e takimeve dhe trajnimit për gratë muslimane (bFmF e.V.) në Këln e kuptoi situatën e vështirë të jetesës së Alexandru Costache. Së bashku kërkuan opsione. Qëllimi i konsulencës ishte arritja e stabilitetit personal dhe një perspektive profesionale përtej punës së përkohshme të pakualifikuar. Kjo përfshinte gjithashtu kalimin e procesit të njohjes së diplomës së përfundimit të shkollës. Me njohuri të gjuhës gjermane dhe një diplomë të shkollës së mesme në xhep, u hodh hapi tjetër: kërkimi i një trajnimi. 

Oliver Haas, përfaqësues i autorizuar i CTS Container-Terminal GmbH si pjesë e HGK Logistics and Intermodal në portin e Këlnit, njohu menjëherë potencialin e Alex Costache.  Më 1 gusht 2023, ai nisi trajnimin profesional trevjeçar si specialist i logjistikës së magazinës pranë kompanisë.  Citat nga Oliver Haas: "Z. Costache plotëson kushtet personale dhe praktike për të punuar si specialist i logjistikës së magazinës. Puna është kërkuese: ne sigurojmë që kamionët, maunet dhe trenat e mallrave me kontejnerë dhe rimorkio të ngarkohen dhe shkarkohen gjithmonë në kohën e duhur në terminalin tonë dhe që kontejnerët dhe rimorkiot të kontrollohen dhe ruhen. Zoti Costache është i ndërgjegjshëm dhe i përkushtuar." 

Me këtë mundësi iu rrit jo vetëm vetëvlerësimi, por edhe aftësitë e tij gjermane u përmirësuan me shpejtësi rrufeje. Sot, Alexandru Costache është krenar që do të bëhet specialist i kualifikuar. 

Lëvizni në krye të faqes